ચૂંટણી આગામી સમયમાં યોજવા અંગે પૂર્વ તૈયારી બાબતે લેટર

વિષય :-

ગ્રામપંચાયતોની સામાન્ય / વિભાજનથી નવી અસ્તિત્વમાં આવેલી / મધ્યસત્ર/પેટા ચૂંટણી આગામી સમયમાં યોજવા અંગે પૂર્વ તૈયારી કરવા બાબત

 

ઉપર્યુક્ત વિષય પરત્વેના સંદર્ભદર્શિત પત્ર અન્વયે રાજયની તા.૧-૪-૨૦૨૨ થી તા.૩૧-૩-૨૦૨૫ સુધી મુદત પુર્ણ થતી ગ્રામ પંચાયતોની સામાન્ય ચૂંટણી, વિસર્જન થયેલ ગ્રામ પંચાયતોની મધ્યસત્ર ચૂંટણી, વિભાજનથી નવી અસ્તિત્વમાં આવેલ ગ્રામ પંચાયતો, અગાઉ યોજાયેલ ચૂંટણીમાં ખાલી પડેલ બેઠકોની પેટા ચૂંટણી અને અગાઉ કોઈ ગ્રામ પંચાયતમાં સરપંચ સહિત તમામ બેઠકોમાં ઉમેદવારી પત્રો ભરાયેલ ન હોય તેવી ગ્રામ પંચાયતોની ચૂંટણીઓની પૂર્વ તૈયારી કરવા માટે કાર્યવાહી કરવા અત્રેના તા.૨૯-૧૧-૨૦૨૪ ના પત્રથી જણાવવામાં આવેલ છે.

 

આગામી સમયમાં તા.૧-૪-૨૦૨૨ થી તા.૩૦-૬-૨૦૨૫ સુધી મુદત પુર્ણ થતી ગ્રામ પંચાયતોની સામાન્ય, વિભાજન વાળી, મધ્યસત્ર, પેટા ચૂંટણીઓ યોજાનાર છે. ઉકત વિગતે આગામી સમયમાં સંદર્ભદર્શિત પત્રના મુદ્દા નં-૪ અન્વયે ગ્રામ પંચાયતોની ચૂંટણી અન્વયે મતદાન મથકો મંજૂર કરવા બાબતે સૂચના આપવામાં આવેલ છે. જે અન્વયે મતદાન મથકોની ૧૦૦ % ભૌતિક ચકાસણી કરી તે અંગેના સમયમર્યાદામાં પ્રમાણપત્રો મેળવી લેવા અને મતદાન મથકો મંજુર કરવાની કામગીરી સત્વરે પુર્ણ કરવામાં આવે.

સંદર્ભદર્શિત પત્રના મુદ્દા નં.૫ અન્વયે ગ્રામ પંચાયતની ચૂંટણી માટે ચૂંટણી અધિકારી/મદદનીશ ચૂંટણી અધિકારીઓની નિયુકિત બાબતે સૂચના આપવામાં આવેલ છે, જે અન્વયે ગ્રામ પંચાયતોના ચૂંટણી અધિકારી તરીકે નાયબ મામલતદારશ્રી, મદદનીશ તાલુકા વિકાસ અધિકારીશ્રી તથા વિસ્તરણ અધિકારીશ્રીઓ જેવા ગ્રામ પંચાયતોની ચૂંટણીની કામગીરીના અનુભવી અધિકારી/કર્મચારીની નિમણૂંક થાય તે મુજબ કાર્યવાહી કરવા વિનંતી છે.