કચેરીમાં એક માસમાં ત્રણ વખત મોડા આવનાર કે વહેલાં જનારની ૧/૨ રજા કપાસે..

(૧) સામાન્ય વહીવટ વિભાગનો તા. ૩૧/૦૮/૨૦૦૫નો પરિપત્ર ક્રમાંક: કકપ-૧૦૨૦૦૫-૧૫૮૦-વસુતાપ્ર-૧

(२) सामान्य पहीपट विलागलो ता. २७/०१/२०२५नो परिपत्र मांड: GAD/MIS/e-file/1/2025/0225/ARTD1

(૩) સામાન્ય વહીવટ વિભાગનો તા. ૧૬/૦૯/૨૦૦૮નો પરિપત્ર ક્રમાંક: પરચ-૧૦૨૦૦૮-૧૦૪૨-વસુતાપ્ર-૧

(૪) સામાન્ય વહીવટ વિભાગનો તા. ૧૦/૦૯/૨૦૦૯નો પરિપત્ર ક્રમાંક: પરચ-૧૦૨૦૦૯-૩૭૮-વસુતાપ્ર-૧

પરિપત્ર:

વંચાણે લીધા કમાંક (૧)થી સચિવાલયના તમામ વિભાગો અને સચિવાલય સંકુલમાં બેસતી તમામ કચેરીઓના અધિકારી/કર્મચારીઓની હાજરીમાં નિયમિતતા જળવાય અને તેનુ યોગ્ય મોનિટરિંગ થઈ શકે તે હેતુથી Integrated Securities Access And Men Management System (IACMMS) દાખલ કરવા અંગેની સૂચનાઓ અમલી છે તથા વંચાણે લીધા ક્રમાંક-(૨)થી અધિકારી/કર્મચારીઓની હાજરીનું વધુ સારી રીતે અને સરળતાથી નિયમન થાય તે માટે તેમજ મોડા આવનાર અધિકારી/કર્મચારીઓ ઉપર નિયંત્રણ રહે તે માટે પ્રાયોગિક ધોરણે સચિવાલય સંકુલના તમામ વિભાગો, કલેક્ટર કચેરી તેમજ ડી.ડી.ઓ. ઑફિસ, ગાંધીનગર, કર્મયોગી ભવન અને ઉદ્યોગ ભવનની સરકારી કચેરીઓમાં તા.૦૧/૦૨/૨૦૨૫થી Digital Attendence System”નો અમલ કરવા અંગે વહીવટી સુધારણા અને તાલીમ પ્રભાગ દ્વારા સૂચનાઓ પ્રસિદ્ધ કરવામાં આવેલ છે.

 

સાથે શરૂઆતના ૩ મહિનાના સમયગાળા માટે “Digital Attendence System”ની સાથે વર્તમાનમાં અમલી રહેલ Integrated Securities Access And Men Management System (IACMMS) હાજરી પ્રથાને પણ ચાલુ રાખવા જણાવેલ છે. આ IACMMS પરનો હાજરી અંગેનો ડેટા ચકાસતાં વિભાગના કેટલાંક અધિકારી/કર્મચારીઓ હાજરી બાબતે અનિયમિત હોવાનું ધ્યાને આવેલ છે. જે સંદર્ભે વિભાગમાં હાજરીનું પ્રમાણ નિયમિત રીતે જળવાય તે માટે તમામ અધિકારી/કર્મચારીઓને નીચે મુજબની સૂચનાઓ પરિપત્રિત કરવામાં આવે છે.

२. ઉક્ત વંચાણે લીધા ક્રમાંક-(૩) તથા (૪) પરના પરિપત્રોની સૂચનાઓ મુજબ કચેરીમા દરેક અધિકારી/કર્મચારી માટે આવવાનો સમય સવારે ૧૦:૩૦ કલાકે તથા કચેરી છોડવાનો સમય સાંજે ૬:૧૦ કલાકનો છે. આમ છતાં અમદાવાદથી આવતી પૉઇન્ટની બસો સચિવાલય સંકુલમાં પ્રવેશી શકતી ન હોવાથી તેમજ રસ્તામાં ટ્રાફિકજામ હોવાને કારણે સવારે કચેરીમાં આવવાના સમયમાં ૧૦ મિનિટ છૂટછાટ આપીને આ સમય ૧૦:૪૦ સુધીનો નક્કી કરવામાં આવેલ છે. આથી વિભાગના તમામ અધિકારી/કર્મચારીઓને કચેરીમાં આવવા-જવામાં નિયમિતતા જાળવવા સૂચના આપવામાં આવે છે. વધુમાં, એક માસમાં ત્રણ વખત કચેરીમાં સવારે ૧૦:૪૦ કલાક પછી આવનાર અથવા સાંજે ૬:૧૦ પહેલા જનાર અધિકારી/કર્મચારીઓની અડધા દિવસની પરચૂરણ રજા કાપવામાં આવશે.