આશ્રમ શાળામાં કરેલ નોકરીને જિલ્લા શિક્ષણ સમિતિની નોકરી સાથે સળંગ ગણવા બાબત

 

પ્રતિ,

મે. નિયામકશ્રી

પ્રાથમિક શિક્ષણ, ગુ.રા.

વિદ્યા સમીક્ષા કેન્દ્ર, સેકટર-૧૯, ગાંધીનગર

વિષય :- આશ્રમ શાળામાં કરેલ નોકરીને જિલ્લા શિક્ષણ સમિતિની નોકરી સાથે સળંગ ગણવા બાબત

સંદર્ભ:- (૧) શિક્ષણ વિભાગના પત્ર ક્રમાંક : પીઆરઈ/૧૪૨૦૧૯/સીસી-૩૯૧/ક-૧, તા.૦૫/૦૧/૨૦૨૪

મે. સાહેબશ્રી,

સવિનય ઉપરોક્ત વિષય અનુસંધાને આપ સાહેબશ્રીને જણાવવાનું કે આશ્રમ શાળામાં કરેલ નોકરીને જિલ્લા શિક્ષણ સમિતિની નોકરી સાથે સળંગ ગણવા બાબતે શિક્ષણ વિભાગ દ્વારા પત્ર ક્રમાંક : પીઆરઈ/૧૪૨૦૧૯/સીસી-૩૯૧/ક૧, તા.૫/૧/૨૦૨૪થી માહિતી મંગાવવા બાબતે થયેલ પત્ર અન્વયે પ્રાથમિક શિક્ષણ નિયામકશ્રીની કચેરી દ્વારા પત્ર ક્રમાંક : પ્રાશિનિ/ક-નીતિ/૨૦૨૪થી તમામ જિલ્લાઓ પાસે માહિતી માંગવામાં આવેલ હતી. પરંતુ આજદિન સુધી ઉપરોક્ત બાબતે નિર્ણય કરવામાં આવેલ નથી તો અમારી રજૂઆતને ધ્યાને લઈ ઘટતી કાર્યવાહી કરી લાભાર્થી શિક્ષકોને આશ્રમ શાળામાં કરેલ નોકરીને જિલ્લા શિક્ષણ સમિતિની નોકરી સાથે સળંગ ગણવા બાબતે કાર્યવાહી કરવા વિનંતી છે.

વધુમાં જણાવવાનું કે બનાસકાંઠા જિલ્લા પ્રાથમિક શિક્ષણાધિકારીશ્રી દ્વારા તા. ૨૯/૦૯/૨૦૨૩ના પત્રથી નામ. હાઈકોર્ટના ચૂકાદાને આધારે સળંગ નોકરી ગણવા બાબતે હુકમો થયેલ છે જે ધ્યાને લઈ અન્ય જિલ્લામાં પણ લાભમળે એ બાબતે ઘટતું કરવા વિનંતી છે.